Ineqarnermut tapiissutit

Inoqutigiit ineqarnermut tapiiffigineqarsinnaapput pineqartut Inatsisartut Peqqussutaanni inissianut attartortakkanut tunngasut malillugit najugaqartuuppata, soorlu:

 

·       Inoqutigiit inersimasut meeqqallu pineqartut tamarmik aalajangersimasumik inigisami najugaqartuuppata, tassanilu

·       Inoqutigiit ataatsimoorlutik isertitaat akileraarutaasussat, aammalu meeqqat aalajangersimasumik inigisami najugaqartut amerlassusaat tunngavigalugit ineqarnermut tapeqartitsisoqartarpoq.

·       Inigisami init amerlassusaat najugaqartut amerlassusaannik ataatsimik amerlaneruppata ineqarnermut tapeqartitsisoqarsinnaanngilaq.

 

Ineqarnermut tapiissut ineqarnermut akiliummut tapiissutaavoq, atuinernut allanut atuinermilu akileraarutinut allanut tapiissutaanatik. Ineqarnermut tapit ineqarnermut akiliutip naminnerlu agguaqatigiissillugu akilersinaasat procentinngorlu naatsorsorneqartarput inoqutigiinni isertitat akileraarutaassussat aammalu naatsorsuutigalugu isertitassat meeqqallu amerlassusaat malillugit.

 

Inatsisartut Peqqussutaat nr.3 31. maaji 2001-imeersoq inissianut attartortakkanut ineqarnermut tapiisuteqartarneq pillugu 1. januaari 2002-mi atuutilersoq malillugu ineqarnermut tapeqartitsisoqarpoq.